Астана қаласы әкімдігінің «Жанұя» отбасын қолдау орталығына халықаралық сарапшылардың сапары

Астана қаласы әкімдігінің «Жанұя» отбасын қолдау орталығына халықаралық сарапшылардың сапары

Кеше ЕО-ның Қауіпсіздік секторын басқару және реформалау тетігі (SSG/R) аясында жүзеге асырылып жатқан Жоба шеңберінде Астана қаласы әкімдігінің «Жанұя» отбасын қолдау орталығында халықаралық және ұлттық сарапшылардан құралған делегация болды.

Орталыққа EUSSG/R Facility аға халықаралық сарапшысы Верена Лахоузен, аға ұлттық сарапшы Назгүл Ерғалиева, Астана қаласы ПД УОБ отбасылық-тұрмыстық зорлық-зомбылыққа қарсы күрес бөлімінің аға инспекторы, полиция подполковнигі Алмагүл Исмағұлова,полиция майоры Алия Жүсіпова келді.

Қонақтар орталықтың қызметімен, көрсетілетін қолдау түрлерімен және отбасылық-тұрмыстық зорлық-зомбылық құрбандарына көмектесу механизмдерімен танысты.

Жобаның басты мақсаты – жәбірленушілердің мүдделеріне бағытталған, гендерлік тұрғыдан сезімтал және институционалданған механизмдер арқылы Қазақстанның жыныстық және гендерлік зорлық-зомбылықты (ЖГЗ) және тұрмыстық зорлық-зомбылықты (ТЗ) алдын алу, анықтау және оған ден қою әлеуетін арттыру, сондай-ақ бұл процестерді халықаралық және ЕО стандарттарына сәйкестендіру.

Қонақтарды Астана қаласы әкімдігінің «Жанұя» орталығы директорының орынбасарлары М.Р. Байгенжин мен Қ.А. Белденова қарсы алып, орталықтың жұмыс қағидаттары жөнінде түсіндіріп, сұрақтарға жауап берді.