Астана қаласы әкімдігінің «Жанұя» Отбасы институтын қолдау орталығы
«Тиімді коммуникация: өзіңді және өзгелерді түсіну» тренингі
2026 жылғы 17 ақпанда Астана қаласы әкімдігінің «Жанұя» отбасы институтын қолдау орталығының құрамындағы психологиялық көмек көрсету бөлімі қызметкерлерге арналған «Тиімді коммуникация: өзіңді және өзгелерді түсіну» тақырыбында тренинг өткізді.
Іс-шараның мақсаты – кәсіби және күнделікті өмірде анық, сенімді әрі экологиялық қарым-қатынас жасау дағдыларын дамыту.
Тренинг барысында қатысушылар:
өздерінің эмоционалдық реакциялары мен мінез-құлық стратегияларын тереңірек түсінді;
диалог кезінде эмоцияларды басқарудың практикалық тәсілдерін меңгерді;
әңгімелесушінің вербалды және вербалды емес сигналдарын тану дағдыларын дамытты;
жанжалдың алдын алуға және қарым-қатынастың тиімділігін арттыруға бағытталған конструктивті өзара әрекет әдістерін пысықтады.
Осындай оқыту іс-шаралары ұжымда өзара құрмет, сенім және кәсіби ынтымақтастық мәдениетін қалыптастыруға ықпал етеді.
