«Жанұя» отбасы институтын қолдау орталығында Тұран университеті студенттеріне арналған семинар-тренинг өтті

Астана қаласы әкімдігінің «Жанұя» отбасы институтын қолдау орталығында «Психология» мамандығы бойынша «Тұран» университетінің бірінші курс студенттеріне арналған оқу практикасы аясында таныстыру кездесуі өтті.

Студенттерге Орталықтың қызметі, негізгі жұмыс бағыттары, сондай-ақ халыққа психологиялық көмек көрсету ерекшеліктері таныстырылды. Кездесу барысында қиын өмірлік жағдайға тап болған азаматтарды сүйемелдеу мәселелеріне және әлеуметтік саладағы психологтің рөліне ерекше назар аударылды.

Психологиялық көмек көрсету бөлімінің басшысы Бексұлтанова Н.Э. болашақ мамандарға дағдарыстық жағдайдағы отбасылар мен азаматтарды кеңес беру және сүйемелдеу ерекшеліктері, сондай-ақ кешенді қолдау көрсету кезіндегі ведомствоаралық өзара іс-қимыл туралы айтып берді.

Кездесуге қатысушылар белсенді түрде сұрақтар қойып, талқылауға қатысып, болашақ кәсіби қызметке қызығушылық танытты.

Осындай іс-шаралар студенттердің кәсіби білімдерін кеңейтуге, тәжірибелік дағдыларын қалыптастыруға және психологиялық әрі әлеуметтік қолдау көрсету саласына қызығушылығын арттыруға ықпал етеді.